Información Sindical LAB: TOKIAN TOKIKO IKASTETXE ETA HERRIETAKO MOBILIZAZIOAK

Kaixo denoi,

Aurreko urtean bezala, aurten ere ikastetxe nahiz herri desberdinetan ematen ari diren ekimenak zabaltzea dugu hizpide oraingoan. Jakin badakizuen bezala, hezkuntza eremu desberdinetan egiten dira mobilizazioak Hego Euskal Herriko ikastetxe, herri nahiz auzoetan. Batzuetan besteetan baino oihartzun handiagoarekin baina ez horregatik garrantzia desberdinekoak.

Azpimarragarriak dira zenbait ekimenen eragina, esaterako Gasteizko Gure Hezkuntza plataforma, Santurtzi Irakaskuntza, Hezkuntzan Geu Eragile, Denon Hezkuntza edo txapel gisa administraziopeko irakaskuntzan gehienak elkartzen dituen Hezkuntza Topagunea.

Pozgarria da ere ikustea nola ekimen desberdin hauen bitartez guraso, ikasle, irakasle eta hezkuntza komunitateko partaide guztiak elkarrekin ari diren indarrak metatzen gero eta gehiago. Ez soilik hezkuntzan ematen ari diren murrizketak direla eta , baizik eta momentuko LOMCE-ari erantzuna emateko. Ahaztu gabe, gehienek Euskal Herriak bere Hezkuntza propioa garatzea helburu nagusia dutela.

Azken helburu hori gauzatzeko, ugariak dira elkarlanean ari diren eragile desberdinak ere, besteak beste: Ikasle abertzaleak, Hik Hasi, ELA, Ikastolen Elkartea, Sortzen-Ikasbatuaz, STEE-EILAS, NIE, LAB eta UEUk ekainean hasi genuen gure hezkuntza propiorako bidea eta urriaren 12an Bilbon egindako aldarrikapen jendetsua abiapuntua izan zela esan daiteke. Eta talde honek ere bere jardueran gogor jarraitzen du, eta laster ekimen ezberdin batzuk proposatuko dituzue.

Horrela, mail honekin bi helburu ditugu:

1. Alde batetik, murrizketa eta LOMCEren aurkako eta guk gure hezkuntzaren aldeko talde ezberdin batzuk sortutako plataformaren ekintza eta ekimenen berri eman, eta hauetan parte hartzera animatu:
    - Gogora ekarri nahiko genituzke iaz ere mobilizazioak egin zituzten ikastetxeak, baina baita ere mobilizazioak burutu zituzten talde batzuk elkartuta, hezkuntza topagunea sortu, eta egindako gidaliburua edo muGIda  mobilizaziorik egiten ez dituzten zentroetan hauspoa emateko asmoz
    - Datorren asterako hezkuntza topaguneak deitutako ekimena jakinarazi nahi genizuen (http://hezkuntzangeueragile.blogspot.com.es/2013/03/ikastetxeak-ekimenak.html) azaroaren azken asterako. Guk gure hezkuntza lelopean ahalik eta argazki jendetsuenak egitea dute erronkatzat. Hortaz, tokian toki, animatu eta ateratako argazkiak  hezkuntzatopagunea@gmail.com helbidera helaraz ditzakezue ere.

2. Beste alde batetik, orain aipatutako ekimenak bezala, zuekin elkarbanatu nahi ditugu dauden ekimen ezberdin denak. Guk iazko ikasturtean zuek bidalitako eta bagenekien tokian tokiko, ikastetxe zein herri, ekimenen zerrenda noizean behin osatu eta bidaltzen jarraitu nahi dugu. Beraz eskertuko genizueke zuen ikastetxean edo herrian murrizketa eta LOMCEren aurka edota gure hezkuntzaren alde ekimenen bat abian baduzue jakinaraztea guk denak bildu, argazki orokorra egin eta ahalik eta gehien zabaltzeko.

Ondo segi eta aldez aurretik eskerrik asko!