Información sindical LAB: Hainbat gauza

Kaixo denoi,


Oraingoan 3 informazio ezberdin helarazi nahi dizuegu, baliogarriak izango zaizuelakoan:

1. AZAROAK 25, datorren astelehenean, gu ere azaroaren 25ean kalean egongo gara emakumeonganako indarkeriaren aurka!
Eguerdietan hiriburuetan eta arratsaldeetan tokian toki antolatu diren mobilizazioetan parte hartzera animatzen zaituztegu:

Baiona: azaroaren 24an, 11:00etan merkatu plazan. "Emazteenganako bortizkeriaren aurkako nazioarteko eguna".
Bilbo: eguerdiko 12:30etan Arriagan. “Ez obeditu, ez zerbitzatu, ez isildu. Egin dezagun iraultza feminista!”
Donostia: eguerdiko 13:00etan Bulebarretik. “Indarkeria matxistaren aurka erresistentzia feminista”.
Gasteiz: eguerdiko 12:30etan Probintzia plazan. “Indarkeria matxistaren aurrean feminismoa”.
Iruñea: eguerdiko 12:00etan Gaztelu plazatik. “Gestion Institucional = -igualdad +violencia sexista, feministok aurre egin diezaiogun!”

2. Atxikipen prozesuak irekita daude: 5 urte gutxienez karrerako funtzionario  eta destino definitiboan espezialitate berean egon direnak, lekualdatzeak baino lehen, ikastetxean bertan espezialitatez aldatzeko eskaera epea.  Lehen Hezkuntza eta Bigarren Hezkuntza, Lanbide Heziketako T., Hizkuntza Eskola Ofizialak, Erdi Mailako Musika Kontserbatorioak eta Arte Eskolak

3. ADI! Ordezkoen udako kotizazioetan akatsak eman dira: Urtero sasoi honetan Gizarte Segurantzaren Diruzaintza Orokorrak bidaltzen duen langilearen txosten integratuan langile-bizitzako historiala agertzen da. Aurten uda kobratzeko eskubidea daukaten ordezkoen zenbait langile-bizitzetan irregulartasunak antzeman ditugu. Informazio gehiago eta hau inprimatzeko sakatu hemen: INFO

Ondo segi!