FW: Praktiketako funtzionarioak eta lekualdatze lehiaketa

Praktiketako Funtzionarioak eta lekualdatze lehiaketa Praktiketan dauden irakasleek jarraitu beharreko prozeduraren inguruan egin beharrekoak argitu nahi ditugu info honetan. Jakin badakigu urduritasunak, informazioa nahasiak etab. borbor ari direla. Era zehatz eta motzenean azaltzen saiatuko gara. Gaur egungo zuen egoera Praktiketako Funtzionarioarena da. Aurtengo ikasturtean praktikaldian zaudetenez jarraian etenik gabe lanean egon behar zarete ikasturte honetan zehar, ahalik eta denbora gehien, salbuespenak salbuespen; gaixotasunak, medikuarenera joateko baimenak ... Bestalde, praktikaldia zuen ikastetxeko tutoreek ebaluatuko dute (zuzendaritzak izendatuak izango dira) eta ikastetxeari dagokion ikuskariak. praktikaldia gaindituz gero, 2020ko irailaren 1etik aurrera karrerako funtzionarioa izaera izango duzue. Eta noski, horretatik eratorritako eskubide guztien jabe. Ikasturte honetan egin beharreko lehenengo prozedura lekualdatze lehiaketan parte hartzea izango da. 2019ko azaroan izango da eta derrigorrez parte hartu behar duzue plaza ateratako espezialitateko aukeraketa eginez. Behin behineko ebazpena apirilean aterako da, eta behin betikoa maiatza aldera. Lekualdatze lehiaketan izaera desberdineko langileek parte hartuko duzue eta prozedura honek, plazak lehentasun honetan esleituko ditu: 1.-Karrerako funtzionarioak; suprimituak izan direnak, zigor espedientetik datozenak edo eszedentzia batetik datozenak. 2.- Karrerako funtzionarioak; berez parte hartzera beharturik ez daudenak, adibidez; borondatez lanpostua aldatu nahi dutenak, plaza jabe baten jabe ez direnak etab. 3.-Praktiketako funtzionarioak, hau da zuek, parte hartzera beharturik zaudete. Plaza atera duzuen espezialitatean bakarrik aukeratu dezakezue lan postua. Oposaketetan ateratako notaren arabera esleituko zaizue plaza. Lortuz gero, 2020ko irailaren 1ean plaza jabetzan duen Karrerako Funtzionarioa izaera izango zenukete, eta plaza horretan egon behar zarete gutxienez bi urtez. Tarte hau pasa ostean lekualdatze lehiaketan parte hartu dezakezue eta dituzuen espezialitate guztietan parte hartu, borondatez, noski. Plaza jabetza ematen ez badizuete, aurten praktiketan zauden ikastetxe eta plaza izango da zuentzako erreferentea, eta zuek baino eskubide gehiago duen batek lekualdatze lehiaketa bidez hartzen ez badu, bertan egongo zarete jabetzan plaza bat esleitu arte! Hau da, laburbilduz, aurtengo azaroan, praktiketan zaudeten guztiok lekualdatze lehiaketan parte hartuko duzue oposaketetako notaren arabera soilik. Eta plazarik jabetzan eman ezean, lortu arte derrigortua zaudete parte hartzera. Prozeduraren inguruan informazio, argibide eta gomendioak emateko saioak burutuko ditugu gure egoitzetan. Araba: Gasteizen, urriaren 17an osteguna, 18:00an Bizkaia: Bilbon, urriaren 17an osteguna, 18:00an Gipuzkoa: Donostian, Grosen urriaren 17an osteguna, 18:00an

BAIONA 10 Santa Ursula Plaza. Telf: 0559595020 - PK64100 - baiona@lab.eus BILBO Errekalde Zumarkalea 62-behea. Telf: 944706900 - PK 48010 - bizkaia@lab.eus DONOSTIA Pokopandegi Bidea 9, 2. (IGARA) Telf: 943224400 - PK 20018 - gipuzkoa@lab.eus DONOSTIA San Bladi, 1 Behea (GROS) Telf: 943458640 - PK 20013 - donostia@lab.eus GASTEIZ Fermin lasuen, 13 - behea. Telf: 945255877 - PK 01001 - araba@lab.eus IRUÑEA Arga Ibaia kalea, 12-14, behea P.K. 31014 Telf: 948221130 - PK- 31014 - nafarroa@lab.eus LAB SINDIKATUA